პოლიტიკური ტერორი

სამტრედიაში ერთ ერთი საჯარო სკოლიდან მასწავლებელი გაათავისუფლეს.  მიზეზი მისი პოლიტიკური მხედველობაა უფრო სწორად ივანიშვილის პარტიის მიმართ კეთილგანწყობა. ბოლო პერიოდში ქალაქში მსგავსი ინფორმაციები ხშირად ვრცელდება. საქმეც იმაშია, რომ ყველა საჯარო სამსაახურში მოღვაწე ადამიანს ეკრძალება ივანიშვილის სახელის ხსენებაც კი.

ცნობილი ხდება მე–3 სკოლაში საფინანსოს შესვლის მიზეზიც, სადაც საბუთების შემოწმება და შესწავლა მიმდინარეობს. მიზეზი ისევ ბიძინა ივანიშვილია. სკოლას წლების განმავლობაში ბიზნესმენი  აფინანსებდა. მასწავლებლებიც განსხვავებით სხვა სკოლებისგან შედარებით  მაღალ ხელფასს იღებდნენ. თავიდან ყველაფერი მშვენივრად იყო, თუმცა მდგომარეობა მას შემდეგ შეიცვალა რაც ივანიშვილმა პოლიტიკაში მოსვლა გადაწყვიტა. გავრცელებული ინფორმაციით სკოლის დირექტორს გათავისუფლება ემუქრება, არაა გამორიცხული მას რამოდენიმე მასწავლებელიც მიჰყვეს. როგორც ცნობილია ერთ ერთი მათგანი ივანიშვილის მეუღლის ნათესავიცაა. ასევე საკმაოდ კარგი ურთიერთობა აქვს სკოლის დირექტორის შვილებს ივანიშვილთან. როგორც კულუარებში ამბობენ, ისინი არაერთხელ შეამჩნიეს ტელევიზორით ბიზნესმენის გარემოცვაში.

პოლიტიკური ტერორი ადამიანების მიმართ ეს საყოველთად ცნობილი ფაქტია, თუმცა ბოლო პერიოდში მან  საქართველოს სხვადასხვა  რეგიონებში განსაკუთრებით მასიური ხასიათი მიიღო. არც სამტრედიაა  ამ მხრივ გამონაკლისი.

,,პროსტინად” ქცეული რეგიონის მედია

ქართული ჟურნალისტიკა რომ დეგრადირების გზაზეა ეს ცნობილი ფაქტია. როგორც ჩანს ქვეყნაში დემოკრატიულმა პროცესებმა უარყოფითად იმოქმედა  მედიაზე, რაზეც ბევრი ფაქტი მეტყველებს.

მომრავლებულმა და სოკოებით აღმოცენებულმა ვაი ჟურნალისტებმა ქართული ჟურნალისტიკა საბოლოოდ დაასამარეს და თავიანთი უმგვანო და უსაფუძვლო საქმიანობით ზეგავლენა მოსახლეობაზეც მოახდინეს.

განსახვავებით ცენტრალური მედიისა, სიტუაცია რეგიონებში უფრო რთულადაა, რადგან აქ მედია ძირითად ადგილობრივ ხელისუფლებაზეა მიჯაჭვულია და მათ გარეშე სტატიებსა თუ სიეჟეტებში სიტყვის დამატებაც არ შეუძლიათ.
რამდენიმე დღის წინ შესაძლებლობა მომეცა გავცნობოდი ერთ–ერთ რეგიონულ გაზეთს, კერძოდ ,,სამტრედიის მაცნეს”. ალბათ ვისაც აქვს მისი წაკითხვის შესაძლებლობა აუცილებალდ მიხვდება, რომ საქმე უნიჭო და უმსგავსო პერიოდულ გამოცემასთან გვაქვს სადაც მოღვაწე ჟურნალისტებს  პროფესიონალობა ნამდვილად აკლიათ.  მესმის როცა ვიღაცაზე ხარ დამოკიდებული, თუმცა როცა წერის ამბიცია გაქვს  საქმის კეთების თავიც უნდა გქონდეს.

ყურადღებას იპყრობს სხვადასხვა შრიფტში აკრეფილი სათაურები, რომელთა შინაარსი ხშირად არ ესადაგება ტექსტის აზრს და მნიშვნელობას.

არვიცი რამდენად შეიძლება წაიკითხო მასალა რომლის ძირითადი ნაწილი მაღალფარდოვანი სიტყვებითა და მხატვრული ელემენტებითაა შესრულებული. თუკი მსგავსი ,,პროსტინის” წაკითხვის სურვილი გაგიჩნდა გაზეთის ძირითადი ნაწილის თავიდან ბოლომდე გადაკითხვა მოგიწევს, რადგან მას მთელი გაზეთი უჭირავს.

განსაკუთრებით სახალისო და ამავე დროს ამაზრზენია გაზეთის ბოლო გვერდი,  სადაც უმსგავსო კარიკატურები თითქოს მკითხველის გამხიარულებაზე ზრუნავენ.

როგორც ჩემთვის ცნობილია, გამოცემაში მოღვაწე ჟურნალისტები თავს უფლებასაც აძლევენ და საუკეთესო ჟურნალისტების  იარლიყსაც ითვისებენ.

ალბათ მკითცველს გონია  ჩემი ამბიცია მაწუხებს თუმცა აქვე ავღნიშნავ, რომ ჩემი პროფესია ჟურნალისტიკისგან მკვეთრდ განსხვადება. უბრალოდ გული მტკივა როცა უბრალო ადამიანს, ასე რომ ვთქვათ აბოლებენ და უაზრო რაღაცეებს აჩეჩებენ.

მოსახლეობაზე არგათვლილი სამედიცინო მომსახურება

კომპანია ჯეო ჰოსპიტალმა სამტრედიაში ახალი სამედიცინო ცენტრი გახსნა. თანამედროვე სტანდარტებით აღჭურვილი საავადმყოფო როგორც თავიდან ითქვა კვალიფიცირებული პერსონალით უნდა ყოფილიყო დაკომპლექტებული.

მოსახლეობა ახალი საავადმყოფოს გახსნას დიდი ზარ–ზეიმით შეხვდა, რადგან ცენტრის გახსნაზე თვით საქართველოს პრეზიდენტი ჩამობრძანდა. როგორც ითქვა აღნიშნულმა კოპანიამ დასავლეთ საქართველოში 4 მსგავსი ცენტრი გახსნა, სადაც ,, საგულდაგულოდ” შერჩეული კადრები დასაქმდა.

შეხვედრას ინციდენტის გარეშე არ ჩაუვლია, იმის გამო რომ ძველი საავადმყოფო დაიკეტა ადამიანები რომლებიც სასწრაფო სამედიცინო დახმარებას საჭიროებდნენ  ახალ ცენტრში მოდიოდნენ, თუმცა სააკაშვილის დაცვა და იმერეთის გუბერნატორი მათ სავადმყოფოში ჰისპიტალიზაციაზე უარს ამბობდა.  ადგილობრივი ხელისუფლების თხოვნით ერთ ერთი დაზარალებული, რომელიც თავისი ფეხით მოვიდა ახალ ცენტრში, ცალკე ოთახში მოათავსეს სადაც კარები საგულდაგულოდ ჩაკეტეს, დაზარალებულს   აუცილებლად პრეზიდენტის წასვლის შემდეგ მივხედავთ, განაცხადეს ცენტრში.

აღმოჩნდა რომ ჰოსპიტალში არც თუ ისე კვალიფიცირებული კადრებია დასაქმებული, რადგან მოსახლეობის დიდი ნაწილი  დახმარებისთვის ქუთაისის სამედიცინო ცენტრს მიმართავს. მათი განცხადებით სამტრედიაში  დასაქმებული ექიმები დიაგნოზს ხშირ შემთხვევაში არასწორად სვამენ ან არ არიან კომპეტენტურები. ასევე ცენტრში ძირითადად   ქუთაისიდან ჩამოყვანილი კადრებია დასაქმებული, სამტრედიელი გამოცდილი ექიმების დიდი ნაწილი კი უმუშევარი დარჩა.

ახალი ცენტრის გახსნას ფასების გაორმაგებაც მოჰყვა,  რაც თავისთავად მოსახლეობის უკმაყოფილებას იწვევს.

S.O.S

სამტრედიაში ქალაქგარეთ ერთი პატარა მდინარე ჩამოედინება,თუმცა ადგილობრივი მცხოვრები თუ არ ხარ ვერც კი მიხვდები რატომ აქვს მინიჭებული მას მდინარის სტატუსი. ლოღობა ასე ეძახიან მას სამტრედიაში.

ერთ დროს მდინარისთვის დამახასიათებელი ყველა მნიშვნელოვანი  ფუნქცია გააჩნდა.   მასში  მრავლად იყო თევზი, არც კიბორჩხალები იყო გამონაკლისი, ზაფხულობით  გაგრილებაც შეიძლებოდა ,მაგრამ ეს წარსულში. დღეს  ლოღობა ჭაობად იქცა. ადგილობრივი მოსახლეობის დამსახურებით  ყოველდღიურად აქ ნაგავი იყრება. 

საწარმოებიდან გამოსული შხამქიმიკატებით კი მდინარეში ყველა ცოცხალი ორგანიზმი დაიღუპა. ამიტომ მდინარეში არაფერი ბინადრობს, მხოლოდ ბაყაყები.  საწარმოებიდან გამოჟონილი ფრეონის დამსახურებით კი მათი არსებობაც  აქ დროებითია. 

არავის აინტერესებს დღეს ლოღობა,რადგან ადამიანები საკუთარი პრობლემებით არიან დაკავებული.  არადა შველა ჭირდება. 

კრეატიული აზროვნება და მისი შედეგები

ბოლო რამოდენიმე წელია სამტრედიაში ახალი წელი  საინტერესოდ აღინიშნება. საინტერესოდ იმიტომ, რომ ქალაქის ბიუჯეტიდან გამოყოფილი თანხებით ახალ წელს ორიგინალურად ვხვდებით. ალბათ ბევრი დაინტერესდება თუ რაში გამოიხატება ეს ორიგინალურობა.

ბიუჯეტიდან საახალწოდ გამოყოფილი თანხების ნაწილი  ღონისძიებებს ხმარდება, რომელიც ძირითადად საბავშვო ბაღის აღსაზრდელების მიერ დადგმული საახალწო ზღაპრით გამოიხატება. მართალია ბავშვების მშობლებისთვის ეს ღირშესანიშნავი ღონისძიებაა თუმცა ნაკლებად საინტერესოა ახალგაზრდებისთვის. რომელთათვის ნორმალური ნიჭიერი შემსრულებლის მოსმენა  ან თუნდაც საინტერესო ღონისძიების ნახვა ოცნებად იქცა.( არაფერს ვამბობ მათ კულტურულ განვითარებაზე). (არადა საინტერესოა ვინ ურჩევს ამ ბავშვებს სიმღერებს და ვინ ზრუნავს მათ ქოროეოგრაფიაზე.  როგორ უნდა გძულდეს შვილი შაკირას ,,ვაკა ვაკა” ძალით აღნავლო  ანდა აიძულო ჯექსონის  ცეკვის ილეთები შეასრულოს სცენაზე. არააქვს საზღვარი კრეატიულობას.)

საინტერესოა ქალაქის მორთულობა ახალი წლისთვის. აქა იქ ჩართული განათებები აშკარად არ იძლევა იმის შთაბეჭდილებას, რომ  მალე სამტრედიაში 2012 წელს  იზეიმებენ. ორიგინალურია ჩვენი  ნაძვის ხე, რომელიც  დაცინვის საგანი არაერთხელ ყოფილა, თუმცა წელს  ორიგინალურობამ ყოველგვარ მოლოდინს გადააჭარბა. ქალაქში სავარაუდოდ ორი ნაძვის ხე  განთავსდება,ერთი  რკინიგზის სადგურის მიმდებარე ტერიტრიაზე. ალბათ ბევრს გავლით მაინც  უნახია  სინებზე ჩამოკიდებული ნათურების საცოდავად ,,ბჟუტური”, რომელიც უკვე რამოდენიმე წელია რკინიგზელების ქალაქს საახალწოდ ამშვენებს. ასევე  დაწყებულია ,,მონტაჟი” მერიის წინ გრანდიოზული ნაძვის ხისა რომლის ანალოგი ალბათ საქართველოში არსად მოიპოვება.  კრეატიული აზროვნებით გამსჭვალული ადამიანების მიერ შექმნილ ამ კრეატიულ საახალწო ხეს ყველაზე უთავმოყვარო ადამიანიც არ დაიდგამდა ეზოში.  კონსტრუქცია იმდენად საინტერესოდაა შექმნილი ეჭვი შეგეპარება ამ საოცნებო ხის კონსტრუქტორის თვალთახედვაში.
ყველაზე შთამბეჭდავი, საღამოს, სხვადასხვა ფერებში განათებული პალმაა. რა დანიშნულება აქვს ამ ერთადერთ ხეს, რასთან ასოცირდება მისი აქ დარგვა დღესაც უცნობია ყველასთვის.  არადა სამტრედია არც ზღვისპირა ქალაქია და არც პალმები ხარობს მაინცდამაინც . თუმცა ესეც მავანთა კრეატიული გადაწყვეტილებაა, რომლებიც ყოველგვარი ანგარების გარეშე ფიქრობენ ჩვენზე.

Hello world!

Welcome to WordPress.com. After you read this, you should delete and write your own post, with a new title above. Or hit Add New on the left (of the admin dashboard) to start a fresh post.

Here are some suggestions for your first post.

1. You can find new ideas for what to blog about by reading the Daily Post.
2. Add PressThis to your browser. It creates a new blog post for you about any interesting  page you read on the web.
3. Make some changes to this page, and then hit preview on the right. You can always preview any post or edit it before you share it to the world.